VI Astana ekonomıkalyq forýmy aıasynda 60-qa jýyq túrli sharalar ótedi
ASTANA. 14 naýryz. QazAqparat - Bıylǵy 22-24 mamyr aralyǵynda ótetin VI Astana ekonomıkalyq forýmy aıasynda 60-qa jýyq túrli sharalar ótedi. Bul týraly búgin Astanada atalǵan forýmǵa (AEF) baılanysty baspasóz máslıhatynda «Ǵalymdardyń Eýrazııalyq ekonomıkalyq klýby» qaýymdastyǵynyń prezıdenti Murat Kárimsaqov málim etti.
«Búginde AEF-tyń basty uıymdastyrýshysy «Ǵalymdardyń Eýrazııalyq ekonomıkalyq klýbymen» daıyndyq pen uıymdastyrý sharalary jáne baǵdarlama boıynsha jumystar 99 paıyzǵa aıaqtaldy. Qazirgi kezde uıymdastyrýshylar logıstıkalyq jáne tehnıkalyq máseleler turǵysyndaǵy jumystardy jalǵastyrýda. Atap aıtqanda, forýmnyń bekitilgen baǵdarlamasy endi ózgermeıdi», - dedi M. Kárimsaqov.
Belgili bolǵandaı, VI AEF-te kóteriletin taqyryptar «2013 jyldaǵy shıkizat baǵasynyń jáne ǵalamdyq ekonomıkanyń ósý bolashaǵy», «Infraqurylym men ınnovatsııalyq tehnologııalar», «Halyqaralyq naryqtaǵy básekelestik baǵyty», «Ekonomıkalyq ósimniń áleýmettik aspektileri», «Qarjylyq júıe men ǵalamdyq qaýip-qaterlerdi boldyrmaýdyń áreketteri» atty baǵyttarda órbimek.
Aıta keteıik, bıylǵy 6-shy Astana ekonomıkalyq forýmyna qatysý úshin sheteldikterge 8 myńnan asa shaqyrtýlar jiberildi. Osy oraıda qazirgi kezde 60 memlekettiń mártebeli tulǵalary, Nobel syılyǵynyń 10 laýreaty, 40-tan asa iri iskerlik korporatsııalarynyń basshylary, sonymen qatar 11 memleket jáne Úkimet basshylary, 15 mınıstr men ortalyq bankterdiń basqarýshylary, halyqaralyq uıymdardyń basshylary qatysýǵa nıetti ekendikterin quptady.
