Veıpke tyıym salýǵa qarsy shyqqan depýtattar da boldy – Nurgúl Taý

ASTANA. KAZINFORM – Májilis depýtaty Nurgúl Taý Jibek Joly telearnasyndaǵy «Fokýs vnımanııa» baǵdarlamasynyń efırinde depýtattar arasynda elimizde veıpke tyıym salýǵa qarsy shyqqandar bolǵanyn málimdedi.

«Májilistegi áriptesterimniń arasynda veıp tartýdy tyıym salýǵa qarsy adamdar da bar. Men buǵan qatty tań qaldym. Árıne, árkimniń óz pikiri bar. Biraq bul jerde balalar men jasóspirimderdiń densaýlyǵy mańyzdy bolyp tur, olar — bizdiń bolashaǵymyz, sony túsinýimiz kerek. Biz olardyń ár qadamyn tekserýimiz kerek», — dedi Nurgúl Taý efır barysynda.

Sondaı-aq, telebaǵdarlama júrgizýshisi spıkerden temeki ónerkásibi lobbısteri men veıp ındýstrııasy lobbısteriniń áserin salystyrýdy surady.

«Shyndyǵyna kelsek, temeki de, veıp te — bir zat. ıAǵnı ekeýin de shyǵaratyn bir kompanııa», — dep jaýap berdi halyq qalaýlysy.

Aıta keteıik, bıyl 24 qańtarda Májilis veıpke tyıym salatyn zańdy qabyldady.  

Buǵan deıin veıptermen birge temekige nege tyıym salynbaıdy degen máselege qatysty maman men depýtat pikirin bergen edik.