Veıpke tyıym salyndy: zań buzǵandar qandaı jaza arqalaıdy
ASTANA. KAZINFORM – Elimizde veıp jáne basqa nıkotın quramdas buıymdarǵa qarsy kúres sharalary kúsheıtildi. Bul týraly Mańǵystaý oblysy boıynsha Memlekettik kirister departamenti habarlaıdy.
Prezıdent 2024 jylǵy 19 sáýirde qol qoıǵan Zańǵa sáıkes, 20 maýsymnan bastap elektrondy temekilerdi, hosh ıistendirgishterdi jáne basqa da osyǵan uqsas taýarlardy ákelýge, óndirýge jáne satýǵa tolyq tyıym salyndy.
Qandaı tyıym salyndy?
Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» Kodeksiniń 110-babyna engizilgen jańartýlarǵa sáıkes, tyıym salynady:
- shekpeıtin temeki ónimderi;
- elektrondy tutyný júıeleri (veıp);
- veıpke arnalǵan hosh ıister en suıyqtyqtar;
- nıkotın men shaıyr mólsheri ruqsat etilgen normadan asatyn temeki ónimderi men kalıan qospalary;
- sanıtarlyq talaptarǵa saı kelmeıtin buıymdar.
Qandaı jaza qarastyrylǵan?
Qylmystyq kodekske de ózgerister engizilip, 301-1-bappen jańa jaýapkershilik belgilendi.
Tyıym salynǵan ónimderdi satqany jáne taratqany úshin:
- 200 AEK-ke deıin aıyppul;
- nemese 200 saǵatqa deıin túzetý nemese qoǵamdyq jumys;
- nemese 50 táýlikke deıin qamaýǵa alý.
Óndirý jáne ákelý úshin:
- 2000 AEK-ke deıin aıyppul;
- ne 2 jylǵa deıin bas bostandyǵynan aıyrý, múlikti tárkileý.
Jazany aýyrlatatyn jaǵdaı:
Eger bul quqyq buzýshylyqtar qaıtalansa nemese toppen jasalsa, jaza 5 jylǵa deıin bas bostandyǵynan aıyrýǵa deıin kúsheıtiledi.
Aıta ketsek, elimizde jyl basynan beri veıpterdiń zańsyz aınalymyna qatysty 32 derek tirkeldi.