Vetnamnyń jańa prezıdenti týraly ne belgili

ASTANA. KAZINFORM – 22 mamyrda Vetnam Sotsıalıstik Respýblıkasynyń Ulttyq jınalysy general To Lamdy Vetnam prezıdenti etip bekitti. 

To Lam 1957 jyly shildede Vetnamnyń soltústigindegi Hyngıen provıntsııasynda dúnıege kelgen. 1974-1979 jyldary Halyq qaýipsizdigi akademııasynyń stýdenti boldy. 1981 jyly Vetnam Kommýnıstik partııasy qataryna qabyldandy. 

Akademııany bitirgennen keıin To Lam Qoǵamdyq eńbek jolyn Qoǵamdyq qaýipsizdik mınıstrliginde bastady. Ár jyldary Máskeý prokýratýrasynyń qurylymynda túrli basshylyq qyzmetterdi atqardy. 2007 jyly oǵan general-maıor sheni berilip, 2016 jyly mınıstr laýazymyna kiristi. 

To Lam – 12 jáne 13-shi shaqyrylymdaǵy VKP Ortalyq Komıtetiniń múshesi, 11, 12 jáne 13-shi shaqyrylymdaǵy VKP Ortalyq Komıteti Saıası Bıýrosynyń múshesi, 14 jáne 15-shi Ulttyq jınalystyń depýtaty. Ol sondaı-aq Sybaılas jemqorlyqqa qarsy is-qımyl jónindegi Ortalyq basqarý komıteti tóraǵasynyń orynbasary, Ulttyq qorǵanys jáne qaýipsizdik keńesiniń múshesi, sot reformasy jónindegi Ortalyq basqarý komıtetiniń múshesi.

Eske sala ketsek, Vetnamnyń Ulttyq jınalysy (bir palataly parlament) sársenbi kúni Vetnam Kommýnıstik partııasy Ortalyq Komıteti Saıası bıýrosynyń múshesi To Lamdy eldiń jańa prezıdenti etip saılady. Onyń ókilettik merzimi 2026 jylǵa deıin jalǵasady.