Vetnamnan Chehııaǵa jańa áýe baǵyty ashylady
ASTANA. KAZINFORM - 11 shildeden bastap vetnamdyq «VietJet Air» áýe kompanııasy áýe erkindiginiń besinshi dárejesi quqyǵyn paıdalana otyryp, Hanoı – Almaty – Praga baǵyty boıynsha jańa áýe baǵytyn ashýdy josparlap otyr.
Bul reıster aptasyna eki ret «Airbus A330» áýe kemesimen oryndalady, dep habarlaıdy QR Kólik mınıstrliginiń baspasóz qyzmeti.
Atalǵan reıster Qazaqstandaǵy «ashyq aspan» rejımi aıasynda júzege asady. Bul rejım halyqaralyq áýe qatynasyn damytýǵa jáne sheteldik áýe tasymaldaýshylardy tartýǵa kóbirek múmkindik beredi.
Reısterdiń qosylýy týrıstik, iskerlik jáne gýmanıtarlyq baılanystardyń damýyna, sondaı-aq Qazaqstannyń Vetnam jáne Chehııamen yntymaqtastyǵyn nyǵaıtýǵa yqpal etedi.
-Sonymen qatar, bul baǵyt Qazaqstannyń Azııa men Eýropa arasyndaǵy mańyzdy tranzıttik el retindegi rólin kúsheıtip, halyqaralyq áýe marshrýttary jelisiniń odan ári damýyna yqpal etedi,-delingen habarlamada.
Osyǵan deıin Naýryz merekesinde áýe kompanııalary 160 qosymsha reıs oryndaıtyny týraly jazdyq.
