Vetnamnan Astanaǵa jaǵdaıy aýyr naýqas medıtsınalyq reıspen shuǵyl jetkizildi
ASTANA. KAZINFORM — Vetnamnan Astanaǵa 1973 jyly týǵan patsıent otadan keıingi kezeńde bolǵan gemorragııalyq ınsýlttan keıin aýyr jaǵdaıda shuǵyl jetkizildi. Bul týraly Densaýlyq saqtaý mınıstrligi málim etti.
Vedomstvonyń dereginshe, naýqas Qazaqstanǵa 14 qarashada jetkizilgen.
— Tasymaldaýdy Ulttyq shuǵyl medıtsınany úılestirý ortalyǵynyń medıtsınalyq avıatsııasynyń mobıldi brıgadasy kúshimen júzege asyryldy. Brıgadanyń quramynda búkil áýe sapary barysynda dáriger Borıs Sartaev pen feldsher Erýlan Kýndakbaev boldy, — delingen habarlamada.
Qazirgi ýaqytta patsıent ári qaraı em alý úshin UShMÚO-nyń neırohırýrgııa jáne nevrologııa departamentine jatqyzylǵan.
Buǵan deıin habarlanǵandaı, TJM sanavıatsııasynyń kómegimen kókshetaýlyq kishkentaı naýqas qutqarylǵan bolatyn.