Vetnamdyq SOVICO Qazaqstanǵa 1 mlrd dollar quıýdy josparlap otyr
ASTANA. KAZINFORM – «Samuryq-Qazyna» AQ basqarma tóraǵasy Nurlan Jaqypov Memleket basshysynyń SOVICO Group Basqarma tóraǵasy Ngýen Than Hýngpen ótkizgen kezdesýdiń nátıjesi týraly aıtyp berdi.
«Memleket basshysynyń Sıngapýrge jasaǵan is-sapary aıasynda SOVICO Group kompanııasy basshylyǵymen kezdestik. Jekeshelendirý baǵdarlamasy sheńberinde memlekettiń ekonomıkadaǵy úlesin tómendetý maqsatynda vetnamdyq kompanııaǵa Qazaq Air avıakompanııasyn satý týraly kelisimge qol jetkizildi. Oǵan sáıkes, sheteldik kompanııa bes jyl ishinde Boieng nemese Airbus markaly 20 ushaqty qatarǵa qosýǵa mindetti. Kóp degende 50 ushaq satyp alynady. Sondaı-aq, elimizge tartylatyn ınvestıtsııa kólemi 1 mlrd dollarǵa jetedi dep kútilip otyr», - dedi ol.
Aıta keteıik, buǵan deıin Prezıdent SOVICO Group kompanııasynyń basqarma tóraǵasy Ngýen Than Hýngpen kezdeskenin jazǵanbyz.
