Vetnamdyq kompanııanyń Qazaq Air-di satyp alý rásimi qashan aıaqtalady

ASTANA. KAZINFORM – «Samuryq-Qazyna» UÁQ» AQ Basqarma múshesi Eljas Otynshıev vetnamdyq kompanııanyń Qazaq Air-di satyp alý rásimine qatysty túsinik berdi.

Onyń aıtýynsha, qazir Qazaq Air úlesin satý boıynsha mámile sharttaryn anyqtaý boıynsha negizgi kelissózder aıaqtaldy. Bıylǵy 20 jeltoqsanynda ótken ekonomıkany jańǵyrtý jónindegi memlekettik komıssııanyń otyrysynda negizgi sharttar bekitildi.

- Bul rette, jyldyń sońyna deıin «Samuryq-Qazyna» qorynyń dırektorlar keńesi men Úkimettiń oń sheshimin kútip otyrmyz. Vetnamdyq ınvestorǵa eki talap qoıylyp otyr. Atap aıtqanda, 2044 jyldyń sońyna deıin 38,4 mlrd teńge qaryzdyń ótelýin, sondaı-aq bes jyl ishinde Boeing nemese Airbus shyǵarǵan 20 ushaqty satyp alýdy qamtamasyz etý. Osy talaptardy oryndaý úshin vetnamdyq kompanııa kepildik berýge daıyn, - dedi Eljas Otynshıev Parlament Májilisinde kólik-logıstıkalyq áleýetti damytý taqyrybyna arnalǵan Úkimet saǵatynda.

Bıyl kúzde «Samuryq-Qazyna» AQ damý jáne jekeshelendirý jónindegi basqarýshy dırektory Saltanat Sátjan vetnamdyq kompanııanyń Qazaq Air-di satyp alý rásimi qashan aıaqtalatynyn naqtylady. 

Eske sala ketsek, byltyr Qazaqstan Vetnamnyń VietJet Air áýe kompanııasymen memorandým jasaǵan edi.