Vetnamdaǵy «Matmo» taıfýny 330 mln dollardan astam shyǵyn keltirdi
ASTANA. KAZINFORM — Seısenbi kúni tańerteńgi jaǵdaı boıynsha «Matmo» taıfýny saldarynan bolǵan qatty sý tasqynynan keıin soltústik provıntsııalarda 3 188 úı sý astynda qaldy, dep habarlaıdy VNA.
Sondaı-aq bóget júıesine birshama zııan keltirildi, 83 oqıǵa tirkelgen.
«Matmo» taıfýny kesirinen elektr qýaty men telekommýnıkatsııa zardap shekken. 550 myńnan astam úı sharýashylyǵy jaryqsyz qaldy, degenmen keıinirek kóptegen úıde elektr qýaty qalpyna keltirildi.
Eldiń aýyl sharýashylyǵy jáne qorshaǵan ortany qorǵaý mınıstrliginiń málimetinshe, «Matmodan» kelgen shyǵyn 8,72 trln-nan astam dongqa (331 mln AQSh dollary) baǵalanyp otyr.
Soltústiktegi Thaıngýen provıntsııasy eń úlken ekonomıkalyq shyǵynǵa ushyrady.
Nóser jaýynnan keıin bolǵan «Matmo» taıfýny qazan aıynyń basynda Vetnamda jappaı sý tasqynyna sebep boldy.
Vetnamda «Matmo» taıfýny týdyrǵan nóser jańbyr men sý tasqyny saldarynan 8 adam qaza taýyp, 5 adam jaraqat alǵanyn habarlaǵan bolatynbyz.
Buǵan deıin Vetnamda bıyl 10-shy ret soqqan «Býaloı» daýyly saldarynan 49 adam qaza taýyp, 16 adam iz-túzsiz joǵalyp ketkenin jazǵan edik.