Vetnamdaǵy krýızdik laıner apatynan mert bolǵandar sany 34 adamǵa jetti

ASTANA. KAZINFORM – Qutqarý qyzmeti Vetnamnyń soltústik bóligindegi Ońtústik Qytaı teńizi Halong buǵazyndaǵy týrıstik kemeniń apatqa ushyraýy saldarynan 34 adamnyń denesin tapty, dep jazady TASS.

Vetnam aqparat agenttiginiń habarlaýynsha, saǵat 21:30-daǵy ýaqyt boıynsha (Astana ýaqytymen 19:30) qutqarý qyzmeti 34 adamnyń denesin tapty, 10 adam qutqaryldy.

Resmı aqparat boıynsha bort nómiri QN-7105 krýızdik kemesinde 53 adam bolǵan. Olardyń 48-i týrıst bolsa, 5-i ekıpaj músheleri. Naızaǵaı oınap, kúshti jel turýynyń saldarynan keme aýdarylyp qalǵan.

Qaıǵyly jaǵdaı týraly habardy alysymen Kýangnın provıntsııasynyń tótenshe jaǵdaılar qyzmeti jedel túrde izdeý-qutqarý jumystaryna kiristi. Qutqarý jumystaryn nóser jaýyn men kúshti jel jáne qarańǵy tún qıyndatty.

Kýangnın provıntsııasy porty bıliginiń habarlaýynsha, sýǵa ketken kemeniń jolaýshylary Halongke otbasylarymen týrıstik saparmen kelgen Hanoı turǵyndary. Kemede bolǵan týrısterdiń eń jasy úlkeni 53-te, eki kishisi 3 jasta bolǵan.

Osyǵan deıin Vetnamda týrıstik qaıyq sýǵa ketip, úsh adam qaza tapqany týraly jazdyq.