Vetnamda ustalǵan bloger Qaısar Qamza málimdeme jasady
ASTANA. KAZINFORM — Vetnamda ustalǵan bloger Qaısar Qamza áleýmettik jelidegi oqyrmandaryna beıneúndeý joldap, qazirgi jaǵdaıy týraly aıtyp berdi.
Ol jaqynda Qazaqstanǵa ushyp baryp kelgenin, al qazir Vetnamnyń Nıachang qalasynda ekenin habarlady.
— Sot ta, qamaý da bolǵan joq. Tek kóshi-qon qyzmeti pasportymdy alyp qoıdy. Barlyǵy jaqsy bolsyn dep tilek tilep qoıyńyzdar. Osyny aıtqym keldi. Jaqsy kúnderde jolyqqansha! — dedi bloger.
Eske sala keteıik, Qazaqstannyń Іshki ister mınıstrligi Qaısar Qamzanyń ustalǵany týraly habarlaǵan bolatyn.
Vedomstvonyń málimetinshe, Vetnamnyń Kamran qalasyndaǵy quqyq qorǵaý organdary ony Interpol jelisi arqyly ustaǵan. Ol zańsyz oıyn bıznesin uıymdastyrdy degen kúdikke ilingen.
Blogerge osy jyldyń basynda izdeý salynǵan edi.
