Vetnamda týrıstik qaıyq sýǵa ketip, úsh adam qaza tapty

ASTANA. KAZINFORM - Vetnamnyń soltústigindegi Halong shyǵanaǵynda týrıstik qaıyq sýǵa ketip, qaza tapqan úsh adamnyń denesin qutqarýshylar tapty, dep habarlaıdy Kazinform TASS agenttigine silteme jasap.

— Taǵy 22 adam qutqaryldy, - dep habarlaıdy «Kýan Doı Nıan Zan» gazeti. 

Іzdeý-qutqarý jumystary jalǵasyp jatqan. 

— Olardyń basty mindeti — adamdardyń ómiriniń qaýipsizdigin qamtamasyz etý, - dep atap ótti Halongtyń quzyretine ıe Kýangnın provıntsııasynyń halyqtyq komıteti.

Resmı málimet boıynsha, korpýs nómiri QN-7105 kemeniń bortynda 53 adam, onyń ishinde 48 týrıst jáne bes ekıpaj múshesi bolǵan. Kenetten soqqan kún kúrkirep, ekpindi jeldiń saldarynan keme aýdarylyp qaldy. Tabıǵı apat týraly aqparat alǵannan keıin Kýangnın provıntsııasynyń tótenshe jaǵdaılar qyzmeti shuǵyl izdestirý-qutqarý jumystaryn bastady.

Buǵan deıin Vetnam birqatar qylmys úshin ólim jazasyn alyp tastaıtynyn jazǵan edik.