Vetnamda topan sý saldarynan qaza tapqandar sany 100-ge jýyqtady

ASTANA. KAZINFORM — Vetnamnyń ortalyq aımaǵyndaǵy sý tasqyny men topan sý saldarynan opat bolǵandar sany 90-ǵa jetti, dep habarlaıdy Sınhýa.

Jeksenbi kúngi málimet boıynsha Vetnamnyń ortalyq óńirinde sý tasqyny men topan sý saldarynan qaza tapqandar sany 90 adamǵa jetken.

Bul týraly Dambalardy baqylaý jáne tótenshe jaǵdaılarmen kúres basqarmasyna silteme jasap «Thanh Nien» gazeti habarlady.

Esepke sáıkes, 12 adam habar-osharsyz joǵalǵan bolyp sanalady.

Jaýyn-shashyn men sý tasqyny óńirde 1154 úıge zııan keltirip, 80 800 gektardan astam kúrish pen basqa da aýyl sharýashylyǵy daqyldaryn jaramsyz qylǵan.

Vetnam Premer-mınıstri Fam Mın Chın ortalyq provıntsııalarda sý tasqyny men tótenshe jaǵdaılarǵa qarsy sharalardy kúsheıtýge shaqyrdy.

Eske salsaq, senbi kúnindegi jaǵdaı boıynsha Vetnamnyń ortalyq bóligindegi sý tasqynynan qaza tapqandar sany 72 adamǵa jetkeni habarlanǵan edi.