Vetnamda tolassyz jańbyrdan 9 adam qaza tapty
Vetnamnyń soltústik jáne ortalyq aýdandarynda 24-28 qyrkúıek aralyǵynda bolǵan sý tasqynynan toǵyz adam mert bolyp, bir turǵyn iz-túzsiz joǵalyp ketti, taǵy 10 adam zardap shekken. Bul týraly keshe eldiń Tabıǵı apattardyń aldyn alý jáne olarmen kúres ulttyq jetekshi komıtetinen málim etti, dep habarlaıdy QazAqparat agenttigi Sınhýa-ǵa silteme jasap.
Nóser jańbyr saldarynan bolǵan tasqyn úılerdi, jol men akvamádenıetke arnalǵan sý aıdyndaryn, kúrish pen ózge de daqyldar alqabyn zaqymdap, úı qustary men iri qara maldyń ólimine ákeldi.
Vetnam Bas statıstıka basqarmasynyń málimetinshe, tabıǵı apattardan, ásirese tasqyn men kóshkinnen bıylǵy jyldyń alǵashqy toǵyz aıynda Vetnamda 98 adam qaza taýyp, iz-túzsiz joǵalyp ketken. 103 turǵyn jaraqat aldy.
