Vetnamda sý tasqynynan qaza tapqandar sany 28-ge jetti
ASTANA. KAZINFORM — Vetnamnyń ortalyǵyndaǵy sý tasqynynan qaza tapqandar sany 28-ge jetti, alty adam iz-túzsiz joǵalyp ketti, dep habarlaıdy Report.az.
Jergilikti BAQ-qa silteme jasaı otyryp, Report agenttiginiń habarlaýynsha, taǵy 43 adam jaraqat alǵan.
Hatın, Kýangngaı jáne Lam Dong provıntsııalary sý tasqynynan eń kóp zardap shekti.
Bılik ókilderiniń habarlaýynsha, apat kezinde 133 000-nan astam úı sý astynda qalǵan, onyń 22 000-nan astamy áli sý astynda. Sý tasqynynan 22 000-nan astam mal men qus ta qyrylǵan. 245 000 tutynýshy elektr qýatynsyz qaldy.
Eske sala keteıik, Vetnamda sý tasqyny men kóshkin saldarynan 10 adam qaza tapqany jaıly jazǵan edik.
