Vetnamda sý tasqyny saldarynan qaza tapqandar sany 55 adamǵa jetti
ASTANA. KAZINFORM — Vetnamnyń ortalyq aımaǵynda tolassyz jaýǵan nóser men sý tasqyny saldarynan qaza tapqandar sany 55-ke jetti, taǵy 13 adam habar-osharsyz joǵalǵandar qatarynda, dep habarlaıdy Sınhýa.
Bul týraly senbi kúni eldiń Dambalardy basqarý jáne tabıǵı apattardyń aldyn alý departamenti habarlady.
Vedomstvonyń málimetinshe, sý tasqyny shamamen 80 myń gektar kúrish alqaptary men ózge de aýyl sharýashylyǵy jerlerin sý astynda qaldyrǵan. 3,2 mıllıonnan astam mal men qus qyrylyp nemese tasqynmen aǵyp ketken.
Habarlamada 28,4 myńnan astam úı áli de sý astynda turǵany, al 946 úıdiń zaqymdanǵany aıtylǵan.
Tabıǵı apattyń ekonomıkalyq shyǵyny shamamen 9 trıllıon vetnam dongyna (shamamen 358 mıllıon AQSh dollaryna) baǵalanyp otyr, dep málimdedi departament.
Budan buryn Vetnamda nóser jańbyr men sý tasqynynan 40-tan astam adam qaza tapqany belgili boldy.