Vetnamda sý tasqyny saldarynan 72 adam qaza boldy

ASTANA. KAZINFORM — Vetnamnyń ortalyq bóligindegi sý tasqynynan qaza tapqandar sany 72 adamǵa jetti, dep habarlaıdy Sınhýa.

Senbi kúnindegi jaǵdaı boıynsha Vetnamnyń ortalyq aımaǵynda bolǵan joıqyn sý tasqyny saldarynan qaza tapqandar sany 72 adamǵa deıin ósti. Bul týraly eldiń Sý qoımalaryn basqarý jáne tabıǵı apattardyń aldyn alý departamentine silteme jasap VnExpress gazeti habarlady.

Málimetke sáıkes, taǵy 13 adam áli de iz-túzsiz joǵalǵandar qatarynda.

Vetnamnyń Qurylys mınıstrligi sońǵy esebinde 33 jolaýshylar poıyzynyń jumysyn toqtatýǵa májbúr bolǵanyn, al basqa kóptegen poıyzdardyń qozǵalysy temirjol jelisiniń keı bólimderinde ýaqytsha toqtatylǵanyn habarlady.

Aldyn ala esep boıynsha, sý tasqynynan keltirilgen ekonomıkalyq shyǵyn shamamen 9 trıllıon vetnam dongyn (shamamen 358 mln AQSh dollary) quraıdy.

Budan buryn Vetnamda sý tasqyny saldarynan qaza tapqandar sany 55 adamǵa jetkeni habarlanǵan edi. Ókinishke qaraı, mert bolǵandar sany kún sanap artyp otyr.