Vetnamda nóser jańbyr men sý tasqynynan 40-tan astam adam qaza tapty
ASTANA. KAZINFORM — Vetnamnyń ortalyq provıntsııalarynda nóser jańbyrlar men sý tasqyny saldarynan osy aptada 41 adam qaza taýyp, taǵy 9 adam iz-túzsiz joǵalǵan, dep habarlaıdy Anadoly.
Jergilikti VnExpress gazetiniń habarlaýynsha, apta basynan beri eldiń ortalyq aımaqtarynda jaýǵan nóser jańbyrdyń saldarynan adamdarǵa materıaldyq shyǵyn kelgen.
Tótenshe jaǵdaılardyń aldyn alý jáne onymen kúres basqarmasynyń málimetinshe, 9 adam áli de joǵalǵandar tiziminde tur.
Zardap shekken aımaqtarda 52 myńnan astam úı sý astynda qaldy, myńdaǵan gektar aýyl sharýashylyq jerleri zaqymdandy, kóp mólsherde mal qyryldy.
Bılik aımaqqa myńdaǵan qutqarýshy men polıtsııa qyzmetkerlerin jiberip, izdestirý-qutqarý jumystaryn júrgizip, turǵyndardy evakýatsııalaýdy qamtamasyz etýde.
Aıta ketelik Ortalyq Vetnamda kóshkin júrip, úsh adam iz-túzsiz joǵalyp ketken edi.