Vetnamda «Matmo» taıfýny saldarynan 8 adam qaza tapty
ASTANA. KAZINFORM — Vetnamda «Matmo» taıfýny týdyrǵan nóser jańbyr men sý tasqyny saldarynan 8 adam qaza taýyp, 5 adam jaraqat aldy, dep habarlaıdy Sınhýa agenttigi.
Eldiń Tabıǵı apattardy basqarý agenttiginiń málimetinshe, 15 700-den astam úıdi sý basyp, taǵy 400-den astam baspanaǵa zalal keltirilgen. Sondaı-aq 14 600 gektardan astam kúrish pen basqa da egistik alqaptary sý astynda qaldy.
Oǵan qosa, 97 myńnan astam mal men qus tasqyn sýǵa aǵyp ketti. Eldiń soltústigi men ortalyq bóligindegi taýly provıntsııalardaǵy 602 jerde sý tasyp, kóshkinniń kesirinen kólik qozǵalysy shekteldi.
Vetnamnyń premer-mınıstri Fam Mın Trın shuǵyl dırektıva shyǵaryp, sý tasqyny men kóshkinniń aldyn alý jáne zardap shekken aýdandardaǵy turǵyndardyń qaýipsizdigin qamtamasyz etý boıynsha kúshti arttyrýǵa shaqyrdy.
Buǵan deıin Qytaı «Matmo» taıfýnyna baılanysty jedel áreket etý rejımin iske qosty.