Vetnamda «Býaloı» taıfýnynyń saldarynan mert bolǵandar sany 34-ke jetti

ASTANA. KAZINFORM – Sońy sý tasqyny men kóshkinge ulasqan «Býaloı» taıfýny Vetnamda 34 adamnyń ómirin qıdy. Sondaı-aq 20 adam iz-túzsiz ketkenderdiń qatarynda, 140 adam jaraqat alǵan. Bul týraly Vetnam aqparat agenttigi habarlady dep jazady Sınhýa.

Aldyn ala málimetter boıynsha, tabıǵı apat saldarynan kelgen shyǵyn 8,78 trln Vetnam dongyn (356 mln dollar) quraǵan.

-Tabıǵı apat saldarynan ınfraqurylym búlinip, 8200 elektr baǵany qulap, 2,7 mln úı sharýashylyǵy jaryqsyz qalǵan, 3 myńnan astam jol sý tasqyny men kóshkinnen jabylyp qalǵan,-delingen habarlamada.

Jergilikti bılik shyǵyndy naqtylaýmen aınalysyp jatyr, elektrmen qamtamasyz etý jáne telekommýnıkatsııa qyzmetin qalpyna keltirý boıynsha jumystar júrgizilip jatyr. Sonymen qatar zardap shekken turǵyndarǵa kómek kórsetilip jatyr.

Osyǵan deıin «Býaloı» taıfýny keltirgen zalal 303 mln dollarǵa baǵalanǵan bolatyn.