Vetnam jańa prezıdentin saılady
BEIJІŃ. KAZINFORM – Vetnamnyń Ulttyq jınalysy (bir palataly parlament) sársenbi kúni Vetnam Kommýnıstik partııasy Ortalyq Komıteti Saıası bıýrosynyń múshesi To Lamdy eldiń jańa prezıdenti etip saılady. Bul týraly VNA agenttigi habarlady.
To Lamdy Vetnam prezıdenti etip saılaý týraly qarardy otyrysqa qatysqan Ulttyq jınalystyń 473 depýtatynyń 472-si qoldady.
Saıasatkerdiń el prezıdenti laýazymyna kandıdatýrasyn Vetnam Kommýnıstik partııasy OK 16-18 mamyrda Hanoıda ótken kezekti plenýmda maquldady.
21 mamyrda Ulttyq assambleıa Vetnam prezıdenti bolyp saılaný úshin general To Lamdy qoǵamdyq qaýipsizdik mınıstri qyzmetinen bosatty.
Memleket basshysy laýazymy osy jyldyń naýryz aıynda Vetnam Sotsıalıstik Respýblıkasy Ulttyq jınalysynyń bekitilgen qararyna sáıkes ony atqarǵan Vo Van Thyong el prezıdenti qyzmetinen bosatylǵannan keıin bos qaldy.
