Vetnam tarıhynda tuńǵysh ret vıtse-premer qyzmetine áıel taǵaıyndaldy

ASTANA. KAZINFORM —  Vetnamda eki jańa vıtse-premer taǵaıyndaldy, dep habarlaıdy TASS.

Vetnamnyń Ulttyq jınalysy burynǵy Іshki ister mınıstri Fam Thı Than Cha men Zıalaı provıntsııasy partııa komıtetiniń burynǵy hatshysy Ho Kýok Zýngty vıtse-premer qyzmetine bekitti. Daýys berý Hanoıda ótip jatqan 15-shi shaqyrylymdaǵy parlamenttiń 10-shy, qorytyndy sessııasynda ótti.

Premer-mınıstr Fam Mın Chın usynǵan kandıdatýralardy bekitý týraly qaýlyny qatysqan 430 depýtattyń 429-y qoldady.

61 jastaǵy Ngean provıntsııasynyń týmasy Fam Thı Than Cha el tarıhynda vıtse-premer laýazymyn ıelengen alǵashqy áıel atandy. Jańa taǵaıyndaýlardan keıin Vetnam úkimetiniń basshylyǵyna on adam kiredi: Premer-mınıstr Fam Mın Chın jáne onyń toǵyz orynbasary — Ngýen Hoa Bın, Chan Hong Ha, Le Than Long, Ho Dyk Fok, Býı Than Shon, Ngýen Chı Zýng, Maı Van Chın, Fam Thı Than Cha jáne Ho Kýok Zýng.

Sonymen qatar depýtattar úsh jańa mınıstrdi bekitti. Tamyz aıynan bastap syrtqy ister mınıstriniń mindetin atqarǵan Le Kýok Chýng bul qyzmetke resmı túrde taǵaıyndaldy. Do Than Bın Іshki ister mınıstri qyzmetinde Fam Thı Than Chany almastyrdy, al Chan Dyk Thang aýyl sharýashylyǵy jáne qorshaǵan ortany qorǵaý mınıstri boldy.

Aıta ketelik Ketrın Konnollı Irlandııa prezıdenti bolyp saılanǵan edi.