Vetnam taǵy bir kúshti ıAgı taıfýnyna daıyndyq ústinde

ASTANA. KAZINFORM – Ońtústik Qytaı teńizimen shektesetin elde kóptegen adamdardyń ómirin qıyp, ónerkásipke, óndiriske jáne múlikke eleýli zııan keltiretin tropıkalyq daýyldar jıi soǵady. Bul týraly Azertag.az habarlady.

Úkimet aldaǵy 24 saǵatta qatty jeldiń kúsheıýi múmkin ekenin aıtyp, jaǵalaýdaǵy provıntsııalardy eskertti. Nóser jaýyn jaýýy múmkin.

Taıfýn qozǵalysyn boljaý qıyn, onyń baǵyty, jyldamdyǵy men kúshi ózgerip turýy múmkin ekendigi de atap ótildi.

Vetnam bıyl Azııada bolǵan eń kúshti «ıAgı» taıfýny saldarynan endi qalpyna kelýde.
Tabıǵı apattardy basqarý agenttiginiń málimeti boıynsha, taıfýn saldarynan bolǵan sý tasqyny men kóshkinnen barlyǵy 291 adam qaza tapty. 38 adam iz-tússiz joǵalyp, 2 myńǵa jýyq adam jaralanǵany atap ótildi.

Reuters agenttiginiń habarlaýynsha, soltústiktegi birneshe provıntsııada ónerkásip óndirisi toqtap, 235 myń úı qıraǵan nemese búlingen, 300 myń gektardan astam kúrish pen basqa da egis alqaptary sý astynda qalǵan.

Meteorologııalyq agenttik jańa daýyl beısenbi kúni keshke nemese juma kúni tańerteń ortalyq Danang qalasyna jaqyndaıdy dep boljady.

Danang pen kórshiles Kýangnam provıntsııasynyń bıligi teńizde kele jatqan daýyl týraly eskertip, izdeý-qutqarý josparyn daıyndap jatyr. 

Aıta keteıik, buǵan deıin Vetnamda «ıAgı» taıfýnynan qaza tapqandar sany 233 adamǵa jetkeni týraly jazǵan bolatynbyz.