Vetnam kompanııasy satyp alǵan Qazaq Air-diń ataýy ózgere me

ASTANA. KAZINFORM — Kólik mınıstri Marat Qarabaev Qazaq Air áýe kompanııasynyń satylýyna qatysty pikir bildirdi. 

«VietJet áýe kompanııasynyń bizdiń naryqqa kirýi básekelestikti arttyra otyryp áýe bıletiniń qunyna áser etedi. Tótenshe jaǵdaılarda Qazaqstan aýmaǵyndaǵy barlyq obektiniń memlekettik organdardyń baqylaýynda ekenin retke keltiretin zań bar, ıaǵnı tótenshe jaǵdaılar boıynsha jeke tártip bar», — dedi Marat Qarabaev Májilis alańynda BAQ ókilderiniń saýalyna jaýap bere turyp. 

Sondaı-aq, jýrnalıster vedomstvo basshysynan «Qazaq Air» kompanııasynyń ataýy ózgerý múmkindigi jaıly surady. 

«Bul jańa ınvestordyń erkinde, ataý máselesin óz betinshe sheshsin. Bir belgilisi — halyqaralyq reıster mindetti túrde bolady», — deıdi ol. 

Eske sala ketsek, byltyr Qazaqstan Vetnamnyń VietJet Air áýe kompanııasymen memorandým jasaǵan edi.