Vetnam elshisi Qazaqstandaǵy dıplomatııalyq mıssııasyn aıaqtady
ASTANA. KAZINFORM – Qazaqstan Respýblıkasy Syrtqy ister mınıstriniń orynbasary Álibek Baqaev Vetnam Sotsıalıstik Respýblıkasynyń elshisi Fam Taı Ny Maıdy dıplomatııalyq mıssııasynyń aıaqtalýyna baılanysty qabyldady, dep habarlaıdy QR Syrtqy ister mınıstrliginiń baspasóz qyzmeti.
Á.Baqaev bıylǵy jyly strategııalyq seriktestikke deıin kóterilgen Qazaqstan men Vetnam arasyndaǵy qarym-qatynastardyń qarqynyn joǵary baǵalap, Astananyń ózara tıimdi yntymaqtastyqtyń barlyq spektrin jan-jaqty damytýdy jalǵastyrýǵa umtylysyn jetkizdi.
Mınıstrdiń orynbasary ekijaqty jáne kópjaqty yntymaqtastyqty odan ári tereńdetýge erekshe serpin beretin Qazaqstan Prezıdenti Qasym-Jomart Toqaev pen Vetnam Kommýnıstik partııasy Ortalyq komıtetiniń Bas hatshysy To Lam arasyndaǵy joǵary deńgeıde qalyptasqan dıalogtyń mańyzdylyǵyn atap ótti.
Óz kezeginde elshi óziniń qyzmeti kezinde kórsetilgen qoldaý úshin shyn júrekten rızashylyǵyn bildirdi jáne Hanoıdyń Astanamen ózara qurmet, senim jáne bir-biriniń múddelerin eskerý negizinde syndarly yntymaqtastyqty qurýǵa daıyn ekenine sendirdi.
Taraptar óńirlik jáne halyqaralyq máseleler, sondaı-aq qoldanystaǵy qurlyq jáne teńiz kóligi baǵyttaryn keńeıtý arqyly saýda jáne logıstıkalyq baılanystardy arttyrý bastamalary boıynsha pikir almasty.
Kezdesý sońynda Á.Baqaev Qazaqstan Respýblıkasy men Vetnam Sotsıalıstik Respýblıkasy arasyndaǵy ekijaqty qarym-qatynastardy nyǵaıtý men damytýǵa qosqan zor úlesi úshin Memleket basshysynyń jarlyǵymen nagradtalǵan Fam Taı Ny Maıǵa II dárejeli «Dostyq» ordenin tabys etti.
Osyǵan deıin Qazaqstan Syrtqy ister mınıstri Reseı Elshisin qabyldaǵany týraly jazǵan edik.