Vetnam 2030 jylǵa qaraı álemniń ekonomıkasy damyǵan úzdik 30 eliniń qataryna enýge nıetti
ASTANA. KAZINFORM — Vetnam 2030 jylǵa qaraı jalpy ishki ónimi (JІÓ) boıynsha álemniń úzdik 30 ekonomıkasynyń qataryna kirý mindetin qoıdy, dep habarlaıdy Xinhua.
Premer-mınıstrdiń orynbasary Ngýen Hoa Bınniń aıtýynsha, Vetnam bes jyl ishinde sondaı-aq ASEAN elderi arasynda úshinshi oryn alýdy maqsat etip otyr.
Buǵan qol jetkizý úshin el 2026 jyldan 2030 jylǵa deıin jalpy ishki ónimniń ortasha jyldyq ósý qarqynyn 10 paıyz nemese odan joǵary deńgeıde ustap turýdy josparlap otyr.
Premer-mınıstr orynbasarynyń habarlaýynsha, eldiń jan basyna shaqqandaǵy jalpy ishki ónimi 2030 jylǵa qaraı shamamen 8500 dollarǵa jetedi dep kútilip otyr.
Vetnam ekonomıkasy 2025 jyldyń birinshi jartysynda kúrt ósti, onjyldyqtaǵy rekordtyq ósý qarqyny 7,52% boldy.
Ótken jyly Qazaqstan men Vetnamnyń AÓK ónimderi boıynsha saýda kólemi 3,5% ósken.