Vetnam 2026 jylǵa arnalǵan eń úzdik týrıstik baǵyt dep tanyldy

ASTANA. KAZINFORM — Frantsııanyń Vogue jýrnalynyń málimetinshe, Vetnam 2026 jylǵa qaraı Azııadaǵy eń tanymal týrıstik baǵyttardyń birine aınalyp otyr, dep habarlaıdy vetnamdyq VNA aqparat agenttigi.

Buǵan eldiń kóz tartar tabıǵı landshafttary, baı mádenı murasy jáne qarqyndy damyp kele jatqan zamanaýı qalalarynyń úılesimi áser etken.

«Kýangnın provıntsııasyndaǵy áıgili Halong shyǵanaǵy men Nınbın provıntsııasy Vetnamnyń tabıǵı sulýlyǵyn aıshyqtaıdy. Al Hıýe qalasyndaǵy tarıhı oryndar, Kýangchı provıntsııasyndaǵy Fongnıa úńgirleri, Laokaı provıntsııasyndaǵy Sapa taýlary, sondaı-aq Anzıang provıntsııasyndaǵy Fýkýok araly men Hoshımın qalasyndaǵy Kondao araldary mádenıetke, tabıǵatqa jáne demalysqa qyzyǵatyn týrısterdi ózine tartyp otyr», dep jazdy VNA.

Mádenı muuralar, tabıǵat, zamanaýı qalalyq ómir men ýaqyt ótken saıyn damyp kele jatqan týrıstik ınfraqurylymnyń úılesimdi ushtasýynyń arqasynda Vogue Vetnamdy 2026 jyly shynaıy, ekologııalyq taza ári umytylmas áser izdeıtin saıahatshylarǵa arnalǵan eń úzdik baǵyttardyń qataryna qosty.

Aıta keteıik, Hanoıda vetnam tiline aýdarylǵan ál-Farabı kitabynyń tusaýkeseri ótti.