Veterınarlyq preparattardy jetkizýshi blokposttardan zańsyz adam ótkizgen
KÓKShETAÝ. QazAqparat - Aqmola oblysynda blokpost arqyly zańsyz adam tasymaldap júrgen júrgizýshi ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, 12 sáýirde polıtsııa qyzmetkerleri kezekshilik kezinde «Stepnogor-Aqkól» tasjolyndaǵy №1 blokpostta «Mersedes Benz – 300E» kóligin toqtatqan.
Belgili bolǵandaı, zań buzýshyǵa «Ónerkásiptik bıosıntezdiń ǵylymı-zertteý ınstıtýty» JShS tarapynan oblys ortalyǵyna, sondaı-aq Aqmola oblysynyń aýdandary men qalalaryna kirip-shyǵýǵa ruqsat berilgen. Ruqsat qujatynda júrgizýshiniń veterınarlyq preparattardy jetkizip berýmen aınalysady dep kórsetilgen.
Biraq tártip saqshylary onyń «Indriver» mobıldik qosymshasy arqyly tapsyrys qabyldap, zańsyz adamdardy tasymaldaýmen aınalysqanyn anyqtady.
Júrgizýshi barlyǵy 4 adamdy tasymaldap úlgergen. Árbir reıs úshin 20 myń suraǵan.
«Zańbuzýshynyń ústinen QR ÁQbK 476-babynyń 1-bóligi (tótenshe jaǵdaı rejımin buzý) jáne QR ÁQbK 463-babynyń 1-bóligi (kásipkerlik qyzmetpen aınalysý) boıynsha ákimshilik hattamalar toltyryldy»,- deıdi vedomstvodan.
