«Veterınarlyq polıtsııa qurylmaıynsha, maldyń jaıy máz bolmaıdy»- respýblıkalyq basylymdarǵa sholý
***
«Keshe Premer-Mınıstr Kárim Másimovtiń tóraǵalyǵymen jańarǵan quramdaǵy Úkimettiń birinshi otyrysy ótti. Premer-Mınıstr óziniń orynbasarlarynyń atqaratyn mindetterin belgiledi. Premer-Mınıstrdiń birinshi orynbasary Serik Ahmetovke ekonomıkany aǵymdaǵy basqarý jáne óńirlik saıasat pen údemeli ındýstrııalyq-ınnovatsııalyq damý baǵdarlamasyn júzege asyrý mindetteri júkteldi. Premer-Mınıstrdiń orynbasary Erbol Orynbaevqa bilim berý, ǵylym, densaýlyq saqtaý, áleýmettik saıasat, áleýmettik áriptestik, mádenıet pen sport, shaǵyn jáne orta bıznesti damytý, bıznes qaýymdastyǵy men memlekettik organdar arasyndaǵy is-qımyldy úılestirý máselesi júkteldi. Bul týraly «Egemen Qazaqstan» basylymynyń búgingi sanyndaǵy «Premer-Mınıstr orynbasarlarynyń mindetteri aıqyndaldy» atty maqaladan oqyńyzdar.
Osy basylym Kaspıı qubyr jelisi konsortsıýmynyń (KQK) prezıdenti Nıkolaı Platonovtyń jańa jumys oryndary ashylǵaly otyrǵandyǵy jónindegi málimdemesi týraly jazady. Konsortsıým prezıdentiniń aıtýynsha, Atyraý oblysynyń Inder jáne Mahambet aýdandarynda boı kóteretin jańa balabaqshalar nysanynyń qujattary daıyn etilipti. Endi qurylysty júrgizetin merdiger mekemeler anyqtalmaq. Munaıly óńirdiń áleýmettik damýynan shet qalyp kórmegen KQK Qazaqstan men Reseı arqyly ótetin qubyrmen munaı tasymaldaý qýatyn arttyrý jobasyna baılanysty endi mine, jańa jumys oryndaryn da ashqaly otyr. Bul týraly «Egemen Qazaqstan» basylymynyń búgingi sanyndaǵy «Jumys oryndary ashylady» atty maqalada.
***
«Alash aınasy» basylymynyń jazýynsha, buryndary kolhoz, sovhozdardyń dáýreni júrip turǵan ýaqytta zootehnık, vetvrachtaryńyzdyń túkirigi jerge túspeıtin. Olar aýyl ıntelegentsııasynyń kósh basyndaǵy qurmetti orynda otyratyn. Maldy «spısaıt» etip «maı shaınaıtyn» quzyrly qyzmet bolatyn. «Narhozǵa» túsemin degender birden maldárigerlikti tańdaıtyn. Búginde veterınarııany tańdaǵandardyń basym bóligi dıplomdy jumyssyzdar qatarynda. Osy ýaqyt aralyǵynda mal dárigeriniń bedeli nege sonsha túsip ketti? Bul suraqtyń jaýabyn «Alash aınasy» basylymynyń búgingi sanyndaǵy «Veterınarlyq polıtsııa qurylmaıynsha, maldyń jaıy máz bolmaıdy» atty maqalada.
Atalmysh basylymynyń jazýynsha, Semeıdegi mektepterdiń birinde dene shynyqtyrý sabaǵy erekshe ádispen ótip jatyr. Mundaı biregeı tásil ulttyq oıyndardy jandandyrý jáne oqýshylardyń dene shynyqtyrý sabaǵyna degen qyzyǵýshylyqtaryn arttyrý maqsatynda qolǵa alynypty. Bul úshin pedagog attyń beınesindegi kostıým tiktirtken. Endi orys mektebinde bilim alyp jatqan oqýshylar qyz qýý, teńge alý, aýlaryspaq syndy at ústindegi oıyn túrlerin tájirıbe júzinde úırenip bilýde. Bul týraly «Alash aınasy» basylymynyń búgingi sanyndaǵy «Dene shynyqtyrý páni erekshe ádispen ótkizilýde» atty maqaladan egjeı- tegeıli bilýge bolady.
***
Keshe «Nur Otan» halyqtyq-demokratııalyq partııasynyń qoǵamdyq qabyldaý oryndary ótken jylǵy jumystarynyń qorytyndysyna baılanysty jýrnalıstermen brıfıng ótkizdi. «Nur Otan» partııasynyń Ortalyq apparatynyń Qoǵamdyq qabyldaýynyń meńgerýshisi Jumajan Júkenovtyń aıtýynsha, partııanyń qoǵamdyq qabyldaýyna ótken jyly 79 myń 139 ótinish kelip túsken. Olardyń basym bóligi turǵyn-úı kommýnaldyq salasy men jumyspen qamtý máselesine baılanysty bolǵan. Bul týraly «Kazahstanskaıa pravda» basylymynyń búgingi sanyndaǵy «Vysokıı KPD obşestvennyh prıemnyh» atty maqaladan bilýge bolady.
