Veterınarlyq dárigerler 149 tonna qaýipti azyq-túlik ónimin Qazaqstannyń naryǵyna ótkizbedi
ASTANA. 11 jeltoqsan. QazAqparat - Bıylǵy 11 aıda azyq-túlik qaýipsizdigin qamtamasyz etý boıynsha sharalar aıasynda veterınarlyq baqylaýǵa tıesili nysandardyń 78 800 ınspektsııalyq tekserisi ótkizildi. Bul týraly búgin Astanada QR Aýyl sharýashylyǵy mınıstrliginiń alqa májilisinde málim boldy.
Belgili bolǵandaı, tekseris nátıjesinde 149 tonna qaýipti azyq-túlik ónimi naryqqa ótkizilmedi, onyń 43 tonnasy joıyldy.
Tekseristerdiń qorytyndysy boıynsha zańdy jáne jeke tulǵalarǵa qatysty 48 458 eskertý jáne 56 778 buıryq shyǵaryldy. Veterınarııa salasynda zańnamany buzǵan úshin 7 944 tulǵalarǵa qatysty 39 574,6 myń teńgege ákimshilik sharalar qabyldanǵan eken.
