Veterınarlar COVID-19 anyqtalǵandardyń mysyǵyn karantınge jiberýge keńes beredi
NUR-SULTAN. QazAqparat – Brıtandyq veterınarlar qaýymdastyǵy COVID-19 koronavırýsymen aýyrǵandardyń úıindegi mysyqty oqshaýlaýǵa keńes beredi, dep habarlaıdy QazAqparat CNN-ge silteme jasap.
«Koronavırýs juqtyrǵandar turatyn úıdegi mysyqty ıeleri úıden shyǵarmaýy arqyly oqshaýlaýy kerek. Bul úı karantınindegi adamdarǵa da qatysty»,- dep esepteıdi mamandar.
Qaýymdastyqyń aıtýynsha, osy kezge deıin janýarlarda COVID-19-ǵa qatysty az jaǵdaı tirkelgen. Vırýs adamnan janýarǵa berilýi múmkin.
«Úı janýarlary COVID-19-dy ıelerine juqtyratynyna eshqandaı dálel joq», - dedi qaýymdastyqta.
Sondaı-aq veterınarlar vırýs janýarlardyń júninde bolýy múmkin ekenin eskertedi, sondyqtan qoldy jýý - ózińdi qorǵaýdyń eń jaqsy tásili.
Eske sala ketsek, Nıý-Iork zoobaǵyndaǵy jolbarystan koronavırýs tabylǵan edi.
