Veterınarııa jáne azyq-túlik qaýipsizdigi: 28 laýazymdy tulǵa jaýapqa tartyldy
ASTANA. KAZINFORM — Joǵary aýdıtorlyq palata júrgizgen aýdıtten keıin veterınarııalyq, fıtosanıtarııalyq jáne azyq-túlik qaýipsizdigin qamtamasyz etýge jaýapty birqatar laýazymdy adam men maman tártiptik jaýaptylyqqa tartyldy.
Salaǵa bıyl tamyzda tekseris jasalǵan. Nátıjesinde túrli quqyq buzýshylyqtar men kemshilikter anyqtalyp otyr. Joǵary aýdıtorlyq palata QR bıýdjet jáne ózge de zańnamasynyń saqtalýyn qamtamasyz etpegen jumyskerlerdiń jaýaptylyǵyn qaraýdy tapsyrdy. 28 jaýapty adam ártúrli tártiptik jaýaptylyqqa tartyldy.
QR Aýyl sharýashylyǵy mınıstrligi:
Strategııalyq josparlaý jáne taldaý departamentiniń dırektory, ǵylymı qamtamasyz etý, ishki saýda jáne mıkrokredıtteýdi monıtorıngteý basqarmalarynyń basshylary;
Veterınarııalyq baqylaý jáne qadaǵalaý komıteti:
Komıtet tóraǵasynyń orynbasary, tamaq ónimderiniń qaýipsizdigi jáne bıologııalyq qaýipsizdik basqarmalarynyń basshylary, «Respýblıkalyq veterınarııalyq zerthana» ShJQ RMK bas dırektorynyń orynbasary;
Agroónerkásiptik keshendegi memlekettik ınspektsııa komıteti:
Komıtet tóraǵasynyń orynbasary, Jambyl oblystyq aýmaqtyq ınspektsııasynyń basshysy, Almaty qalasy boıynsha aýmaqtyq ınspektsııanyń býhgalterlik esep bóliminiń basshysy;
«Azyq-túlik kelisimshart korporatsııasy» UK» AQ:
Aýyl sharýashylyǵy ónimderin esepke alý jáne saqtaý departamentiniń dırektory, basqarýshy dırektor – Basqarma múshesi;
Qazaqstan eginshilik jáne ósimdik sharýashylyǵy ǵylymı-zertteý ınstıtýty:
Basqarma tóraǵasynyń ǵylym jónindegi orynbasary, bas ekonomıst, bas býhgalter, maıly daqyldar zerthanasynyń meńgerýshisi;
Qazaqstan qaıta óńdeý jáne taǵam ónerkásibi ǵylymı-zertteý ınstıtýty:
bas ǵylymı qyzmetkerler, bas ınjener, Semeı fılıalynyń býhgalteri; S. Seıfýllın atyndaǵy Qazaq agrotehnıkalyq zertteý ýnıversıteti: Ǵylym jáne ınnovatsııalar departamenti dırektorynyń orynbasary;
«Pavlodar» áleýmettik-kásipkerlik korporatsııasy: Kredıt berý jáne aktıvterdi basqarý departamentiniń dırektory;
«Tobyl» ÁKK: ınvestıtsııalyq jobalar jáne ındýstrııalyq aımaqty damytý departamenti dırektorynyń m.a.;
«Soltústik» ÁKK jáne «KOKSHE» ÁKK jaýapty qyzmetkerleri.
Júrgizilgen aýdıt qorytyndylary boıynsha berilgen basqa da tapsyrmalardyń oryndalýy baqylaýda bolady.
Aıta keteıik, Soltústik Qazaqstanda veterınarııalyq talaptardy buzǵandar jaýapkershilikke tartyldy.