Veterınarııa zańnamasyn buzǵandyǵy úshin salynatyn aıyppul mólsheri tym tómen - AShM
ASTANA. 17 qyrkúıek. QazAqparat -Elimizde veterınarııa zańnamasyn buzǵandyǵy úshin salynatyn aıyppul mólsheri tym tómen bolyp otyr.
Bul týraly búgin Parlament Májilisinde ótken Úkimet saǵatynda Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýynsha, elimizde veterınarııa zańnamasyn buzǵandyǵy úshin salynatyn eń joǵary bekitilgen aıyppul mólsheri tym az. «Máselen, bul aıyppul mólsheri jeke tulǵalar úshin - 8 myń teńge, shaǵyn jáne orta kásipkerlik sýbektileri úshin 80 myń teńge, iri kásipkerlik sýbektileri úshin 162 myń teńge ǵana. Alaıda, veterınarııalyq zańnamalardy buzǵandyǵy saldarynan oryn alatyn shyǵyn ólsheýsiz ári qaıtarymsyz ekendigin eske salǵym keledi. Óıtkeni, bundaı jaǵdaıda tek bir ǵana óńirdiń eksportyna tyıym salý ǵana emes, bútkil Qazaqstannyń eksportyna qaýip tóndiretinin umytpaýymyz kerek», - deıdi A. Mamytbekov.
Aýrýy anyqtalyp qoldan alynǵan jáne joıylǵan maldarǵa tólenetin ótemaqy álgi maldyń naqty bazardaǵy qunynan tómen bolyp otyrǵan. «Іri qaranyń 85 paıyzy jekemenshik qolynda bolǵandyqtan, álgi ótemaqynyń tómendiginen eshkim de aýrý malyn anyqtap, ony kórsetkisi kelmeıtin jaǵdaılar birneshe ret qaıtalandy. Sondyqtan, kóp jaǵdaıda mal aýrýlaryn ózimiz dendetip alyp jatyrmyz», - deıdi vedomstvo basshysy.
