Veterınarııa uıymdaryn respýblıka bıýdjetinen qarjylandyrý tıimsiz – Smaıylov

ASTANA. QazAqparat – Memlekettik veterınarııa uıymdaryn respýblıkalyq bıýdjetten materıaldyq-tehnıkalyq jaraqtandyrý úshin qarjylandyrý tıimsiz. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Jergilikti atqarýshy organdar ózderiniń shyǵys baǵyttaryn derbes aıqyndaıtynyn eskere otyryp, memlekettik veterınarııa uıymdaryn respýblıkalyq bıýdjetten materıaldyq-tehnıkalyq jaraqtandyrý úshin qarjylandyrýdy qarastyrý tıimsiz dep sanaımyz», - dedi Álıhan Smaıylov jaýabynda.

Onyń atap ótýinshe, memlekettik veterınarııa uıymdarynyń materıaldyq-tehnıkalyq bazasyn jańartý úshin oblys ákimdikteri óz deńgeıinde jergilikti bıýdjet esebinen normalarǵa sáıkes tıisti is-sharalar qabyldaıdy.

«Máselen, 2022 jyly materıaldyq-tehnıkalyq bazany jańǵyrtýǵa Almaty oblysynda 2,5 mlrd teńge, Jetisý oblysynda 2 mlrd teńge, Qaraǵandy oblysynda 182,2 mln teńge, Qyzylorda oblysynda 73 mln teńge jáne Soltústik Qazaqstan oblysynda 64,2 mln teńge bólindi. Budan basqa Jambyl oblysynda 249,8 mlrd teńgeni, onyń ishinde veterınarııany qamtıtyn «aýyl sharýashylyǵy» fýnktsıonaldy kishi toby boıynsha 13,0 mlrd teńgeni quraıtyn jergilikti bıýdjettiń osy jyldyq jospary bar», - dedi Úkimet basshysy.