Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalarǵa attestattaý júrgizý qaǵıdalary bekitildi

***

Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalarǵa attestattaý júrgizý qaǵıdalaryn bekitý týraly

Qazaqstan Respýblıkasy Úkimetiniń qaýlysy №1260

2011 jylǵy 1 qarasha, Astana, Úkimet Úıi

 «Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 5-babynyń 18) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalarǵa attestattaý júrgizý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                           Qazaqstan Respýblıkasynyń Premer-Mınıstri K. MÁSІMOV.

Qazaqstan Respýblıkasy Úkimetiniń  2011 jylǵy 1 qarashadaǵy №1260 qaýlysymen bekitilgen

Veterınarııa salasyndaǵy kásipkerlik qyzmetti júzege asyratyn  jeke
jáne zańdy tulǵalarǵa attestattaý júrgizý  qaǵıdalary

1. Jalpy erejeler
1. Osy Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalarǵa attestattaý júrgizý qaǵıdalary (budan ári - Qaǵıdalar), «Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 5-babynyń 18) tarmaqshasyna sáıkes ázirlendi jáne veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalarǵa attestattaý júrgizý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) attestattaý - veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalardyń bilimin jáne kásibı biliktiligin baǵalaý maqsatynda júrgiziletin kezeń-kezeńimen júzege asyrylatyn rásim;
2) testileý - testilik tapsyrmalardy paıdalana otyryp júrgiziletin attestattalýshynyń teorııalyq bilimin jáne praktıkalyq daǵdylaryn tekserý nysany;
3) veterınarııa salasyndaǵy ýákiletti memlekettik organnyń vedomstvosy (budan ári - ýákiletti organnyń vedomstvosy) - memlekettik veterınarııalyq-sanıtarııalyq baqylaýdy jáne qadaǵalaýdy júzege asyratyn veterınarııa salasyndaǵy ýákiletti memlekettik organnyń komıteti;
4) ýákiletti organnyń vedomstvosynyń aýmaqtyq bólimsheleri (budan ári - vedomstvonyń aýmaqtyq bólimsheleri) - tıisti ákimshilik-aýmaqtyq birlikterde ornalasqan vedomstvonyń aýmaqtyq bólimsheleri (oblys, aýdan, oblys nemese respýblıkalyq mańyzy bar qala, astana).
3. Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalardy attestattaý veterınarııa salasyndaǵy qyzmetti júzege asyratyn oblystardyń ( respýblıkalyq mańyzy bar qalalardyń, astananyń) aýdandardyń (oblystyq mańyzy bar qalalardyń) jergilikti atqarýshy organdarynyń bólimsheleri (budan ári - JAO bólimsheleri) júrgizedi.
Veterınarııa salasyndaǵy kásipkerlik qyzmetti júzege asyratyn zańdy tulǵalardy attestattaý, osy zańdy tulǵanyń veterınarııalyq mamandaryn attestattaý jolymen júrgiziledi.
Veterınarııalyq maman attestattaýdan ótken jáne ol basqa zańdy tulǵaǵa jumys isteýge ótken jaǵdaıda, mamandy attestattaý merzimi attestattaýdan ótkizilgen sátten bastap esepteledi jáne attestattaýdyń nátıjeleri úsh jyl boıynda jaramdy.
Veterınarııa salasyndaǵy kásipkerlik qyzmetti júzege asyratyn jeke jáne zańdy tulǵalar (budan ári - Kásipkerler), veterınarııa salasyndaǵy kásipkerlik qyzmetti júzege asyrý kezinde keıingi úsh jyl ótken soń attestattalýǵa tıis.
4. Attestattaýdy júzege asyrý úshin JAO bólimsheleri attestattsııalyq komıssııalardy (budan ári - Komıssııa) qurady.
5. Attestattaý eki kezeńnen turady:
testileý jáne áńgimelesý, olar bir kúnde ótkiziledi.
Eger málimdememen birge (keminde 10 jyldyq jumys tájirıbesi bar, bilim berý qyzmetine memlekettik lıtsenzııasy bar oqý oryndarda attestatsııalanatyn mamandyǵy boıynsha biliktilikti arttyrý kýrstaryn tamamdaǵan) attestattaýǵa málim etiletin oblystaǵy jumystyń túbegeıli tájirıbesi týraly kýálandyratyn qujattardy usynsa, kásipkerlerge testileýdi ótkizýsiz attestattsııadan ótýge ruqsat etiledi.

2. Attestattaýdy ótkizý tártibi
6. Attestattaýdy ótkizýge daıyndyq mynadaı is-sharalardy qamtıdy:
1) Attestattaýdy ótkizý úshin Kásipkerge qajetti qujattardy daıyndaý;
2) attestattaýdy ótkizý kestelerin ázirleý jáne bekitý;
3) attestattaý komıssııalarynyń quramyn aıqyndaý;
4) attestattaýdy ótkizý maqsattary men tártibi týraly túsindirý jumysyn uıymdastyrý;
5) attestattaýdy ótkizý bastalǵanǵa deıin otyz kúntizbelik kúnnen keshiktirmeı attestattalýshy tulǵalardy ony ótkizý merzimi týraly jazbasha habardar etý;
6) attestattaýǵa jatatyn tulǵalardyń qujattaryn qabyldaýdy jáne taldaýdy júzege asyrý.
7. JAO bólimsheleriniń basshysy Komıssııa tóraǵasy, attestattaýǵa jatatyn adamdardyń tizimi, testileý suraqtary bekitiletin, attestattaýdy ótkizý merzimi men attestattaý komıssııasynyń quramyn, sondaı-aq onyń jumys kestesi belgilenetin sheshimdi qabyldaıdy.
Komıssııa kem degende bes adamnan jáne komıssııa hatshysynan qurylady. Komıssııanyń músheleri 5 jyldam kem emes tájirıbeli jumys ótilimi bar, joǵarǵy veterınarııalyq bilimi bar tulǵalar bolyp tabylady.
JAO bólimsheleriniń komıssııasynyń quramyna JAO bólimsheleriniń ókilderi, sonymen qatar vedomstvosynyń aýmaqtyq bólimsheleriń mamandary kelisim boıynsha kiredi.
8. Kásipker jazbasha habar alǵannan keıin attestattaýdy ótkizý bastalǵanǵa deıin on bes kúntizbelik kúnnen keshiktirmeı Komıssııaǵa kelesi qujattardy usynady:
1) jeke kýáliktiń kóshirmesi;
2) sońǵy 3 jylda biliktilikti arttyrý kýrstarynan ótkeni týraly sertıfıkattardyń kóshirmeleri (bolǵan jaǵdaıda) ;
3) ǵylymı dárejesiniń, ataǵynyń bar ekendigi týraly kýálikterdiń kóshirmeleri (bolǵan jaǵdaıda).
9. Testileý qaǵaz tasymaldaýshyda test suraqtaryn qoldaný arqyly júrgiziledi (1 suraq 1 upaıǵa teńeledi, barlyǵy 100 suraq).
10. Test tapsyrmalaryn oryndaýǵa beriletin jalpy ýaqyt 90 mınýtty quraıdy.
11. Testileýdiń nátıjesin esepteý Komıssııamen durys jaýaptar kodtaryn qoldaný arqyly ótkiziledi, eger onyń quramynyń keminde úshten ekisi qatysatyn bolsa zańdy dep sanalady.
12. Suraqtardyń jalpy sanynan keminde 70% durys jaýap alǵan jaǵdaıda attestattalatyn tulǵa úshin testileý nátıjesi tómen dep sanalady.
13. Testileýdiń nátıjeleri eseptelip bolǵan soń Kásipkerge osy Qaǵıdalardyń 1-qosymshasyna sáıkes nysan boıynsha nátıjesi beriledi.
14. Testileýden ótý kezinde teris nátıje alǵan Kásipker attestattaýdyń ekinshi kezeńine jiberilmeıdi (áńgimelesý).
Qaıta testileý osy Qaǵıdada aıqyndalǵan tártippen bastapqy testileý ótken kúnnen bastap alty aıdan keıin ótkiziledi.
15. Áńgimelesý ár Kásipkermen jeke aýyzsha túrde ótkiziledi, beriletin suraqtyń sany bes suraqtan artyq emes.
16. Daýys berý nátıjeleri ashyq túrde komıssııa músheleriniń kópshilik daýysymen aıqyndalady. Daýystar teń bolǵan kezde komıssııa tóraǵasynyń daýysy sheshýshi bolyp tabylady. Hatshy daýys bere almaıdy.
17. Komıssııa usynylǵan materıaldardy zerdelep, attestattalýshy tulǵamen áńgimelese otyryp, mynadaı sheshimderdiń birin qabyldaıdy:
1) attestattaldy;
2) qaıta áńgimelesýge jatady;
3) attestattalmady.
18. Qaıta áńgimelesý osy Qaǵıdada aıqyndalǵan tártippen bastapqy áńgimelesý ótken kúnnen bastap bir aıdan soń ótkiziledi.
Komıssııa, qaıta áńgimelesý qorytyndylary boıynsha myna sheshimderdiń birin qabyldaıdy:
1) attestattaldy;
2) attestattalǵan joq.
19. Komıssııasynyń sheshimi otyrys hattamasymen rásimdeledi, oǵan onyń otyrysyna qatysqan attestattaý komıssııasynyń tóraǵasy, músheleri jáne hatshysy qol qoıady.
20. Kásipker Komıssııasynyń sheshimimen attestatsııadan ótken kúni tanysady.
21. Komıssııanyń bekitilgen sheshimderi attestattaý paraǵyna eńgiziledi, ol attestatsııa aıaqtalǵan­nan keıin osy Qaǵıdalardyń 2-qosymshasyna sáıkes nysan boıynsha Kásipkerge tabystalady.
Kásipkerdiń attestattaý paraǵy, testileý nátıjeleri, otyrys hattamasy úsh jyl merziminde attestatsııany ótkizgen organda saqtalady.

3. Attestattaý komıssııasynyń sheshimderine shaǵymdaný
22. Attestattaýdy ótkizý (testileý, áńgimelesý) kezinde týyndaǵan daýlar sot tártibinde qaralady.

Qosymshalar respýblıkalyq BAQ-da jarııalanǵan.