Veterınarııa salasyna memlekettik monopolııa ornatý qajet - Ó.Shókeev
ANA. 11 qarasha. QazAqparat /Aıdar Ospanálıev/ - Úkimet basshysynyń birinshi orynbasary Ómirzaq Shókeev elimizdiń «Veterınarııa týraly» zańyna birqatar ózgerister engizý qajet dep esepteıdi. Bul týraly ol búgin selektorlyq rejımde ótken Úkimet otyrysynda málim etti.
Ó. Shókeevtiń aıtýynsha, bul ózgerister basty eki máseleni qamtıdy. «Birinshi kezekte bizge veterınarlyq stansylardy aýdandyq deńgeıde qurý kerek. Ekinshiden, veterınarlyq qyzmet kórsetý salasyna memlekettik monopolııa ornatqan jón. Menińshe, bizde veterınarııa salasyndaǵy zańdardy buzǵandardy jaýapqa tartý maqsatynda ákimshilik jáne qylmystyq kodeksterge ózgerister engizý qajet. Onsyz bizge tártip ornatý qıyn», - dedi Premer-Mınıstrdiń orynbasary.
