Veterınarııa salasyn jetildirýge múmkindik beretin normalar bekitildi
NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine veterınarııa máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaıdy QazAqparat tilshisi.
«Tsıfrlandyrý protsesi búgingi kúni álemniń barlyq elderinde damyǵan. Bul rette, Qazaqstanda da jahandyq tsıfrlyq ekonomıkada óz orny bolýy qajet. Osy turǵyda ekonomıka salalaryn tsıfrlandyrý, sonyń ishinde memlekettik qyzmetterdi avtomattandyrý - elimizdiń basym mindetteriniń birine aınaldy. Zań jobasy veterınarııa salasyndaǵy zańnamany jetildirýge jáne elimizdiń veterınarııalyq qaýipsizdigin qamtamasyz etýge baǵyttalǵan», - dedi senator Muhtar Jumaǵazıev.
Onyń aıtýynsha, zań jobasynda qaralyp otyrǵan máseleler veterınarııalyq pasporttardy elektrondyq nysanynda berý múmkindigin, memlekettik veterınarııalyq-sanıtarııalyq ınspektorlarǵa baqylaý jáne qadaǵalaý júrgizý kezinde tehnıkalyq quraldaryn paıdalaný quqyǵyn iske asyrady, EAEO shekarasynda keden organdary men veterınarııalyq ınspektorlardyń ózara is-qımyl jasaý tártibin aıqyndaıdy.
«Zań jobasy onyń bastamashylary, múddeli memlekettik organdardyń qatysýymen muqııat qaraldy. Tujyrymdamasy boıynsha turaqty komıtetter men Apparattyń tıisti bólimderinen eskertýler men usynystar túsken joq», - dedi depýtat.
