«Veterınarııa» mamandyǵyna bólingen granttardyń 50% jýyǵy ıgerilmegen

ASTANA. QazAqparat –Byltyr «veterınarııa» mamandyǵyna bólingen bilim grantynyń jartysyna jýyǵy ıgerilmeı qalǵan. Bul týraly «Ulttyq agrarlyq ǵylymı-bilim berý ortalyǵy» KEAQ bilim basqarmasynyń bas menedjeri Baqyt Nasyrhanova málim etti, dep habarlaıdy QazAqparat tilshisi.

«Veterınar mamandyǵyna jyl saıyn 825 grant bólinip keldi. Al byltyrdan bastap onyń sany 925-ke jetti. ıAǵnı 100 grantqa artty. Sondaı-aq aýyl kvotasy 5% kóterildi. Desek te salada problema bar. Mysaly, maman jumys isteýge barǵanymen, kóp uzamaı ketip qalady. Sebebi ınfraqurylym joq, balabaqsha, mekteppen qamtamasyz etpeıdi. Odan keıin kim memlekettik tapsyryspen oqydy oǵan memlekettik granttyń qunyn qaıtarýǵa týra keledi. Taǵy bir másele – aýyldaǵy sharýashylyqtardyń kóbisi jeke, al olar ózderiniń tanystaryn jumysqa alady», – dedi Baqyt Nasyrhanova Ortalyq kommýnıkatsııalar qyzmeti alańynda ótken baspasóz máslıhatynda.

Onyń málimetinshe, byltyr 925 granttyń 50% ıgerilmeı qalǵan.

«Nege deseńiz – veterınarııaǵa qyzyǵýshylyq joq. Jumys júrip jatyr, kásibı baǵyt-baǵdar berý boıynsha da biraz sharýa jasaldy, desek te bólingen granttardyń jartysy ıgerilmeı qaldy. Veterınarııa boıynsha 925 grant bolsa, sonyń 574-i ıgerilmedi. Máseleni sheshý jolynda jergilikti atqarýshy organdar jumys isteýi kerek», - deıdi ol.

Buǵan deıin habarlaǵanymyzdaı,elimizde veterınar dárigerlerge arnaıy mártebe berilmek.