Veterınarııa mamandaryn daıyndaýǵa aýyldyq kvotany 70%-ǵa deıin ulǵaıtý usynyldy
«2020-2021 oqý jylynda 1 283 veterınarııa mamany (memlekettik tapsyrys boıynsha - 728, aqyly negizde - 551, kásiporyn esebinen - 4) shyǵaryldy, onyń ishinde áıelder - 717 (55,8%). Jyl saıyn kadrlar daıarlaýǵa (veterınarııa) 825 bilim berý granty bólinedi, 2021 jyly granttar sany 50-ge nemese 6,3%-ǵa artty. Mamandyǵy boıynsha jumysqa ornalastyrylǵandar – 712 nemese 55%, mamandyǵy boıynsha emester - 312 nemese 25%. Qalǵandary – 259-y nemese 20% túrli sebepter boıynsha jumysqa ornalaspaǵan (dekrettik demalys, shetelge ketip, magıstratýraǵa jáne doktorantýraǵa tústi, «Jumyspen qamtý ortalyǵy» MM esebinde tur)», - dedi E. Qarashókeev.
Aýyldyq jerlerde veterınarııalyq mamandardy ornyqtyrý jáne jumysqa ornalastyrý máselesin sheshý úshin kelesi jumystar júrgizilýde:
1. Bilim jáne ǵylym mınıstrligine veterınarlyq mamandyqtar boıynsha aýyldyq kvotany búgingi 30%-dan 70%-ǵa deıin ulǵaıtý jóninde usynys engizildi.
2. Oqý oryndaryna oqýǵa qabyldaý kezinde yntalandyrylǵan talapkerlerge basymdyq berý usynylady.
3. Ulttyq ekonomıka mınıstrligine «Dıplommen aýylǵa» baǵdarlamasy aıasynda veterınarlarǵa kóterme járdemaqy mólsherin 20%-ǵa arttyrý týraly usynys daıyndalýda.
«Joǵaryda kórsetilgen sharalardy iske asyrý bilim berý protsesiniń sapasyn arttyrýǵa múmkindik beredi jáne veterınarııa salasy úshin joǵary bilikti kadrlar daıarlaý úshin negiz qalaıdy. Dúnıejúzilik janýarlar densaýlyǵy uıymynyń Jerústi janýarlarynyń densaýlyǵy kodeksiniń usynymdaryna sáıkes, ózin-ózi retteıtin qoǵamdyq uıym - veterınarlyq statýarlyq organdy qurý jáne onyń jumys isteýi boıynsha jumys júrgizý usynylady», - dedi mınıstr.
Ol mynadaı fýnktsııalardy júzege asyrýǵa arnalǵan:
- veterınarııalyq mamandardyń qyzmetin olardy esepke alý jáne tirkeý arqyly retteý;
- veterınarlyq mamandardy daıarlaý úshin veterınarlyq ýnıversıtetter men basqa da veterınarlyq oqý oryndary ustanýǵa tıisti standarttardy ázirleýge qatysý;
- veterınarııalyq mamandardy oqytýdy jáne olardyń biliktiligin arttyrýdy uıymdastyrý;
«Joǵaryda atalǵan barlyq máseleler qazirgi ýaqytta ázirlenip jatqan «Veterınarııa týraly» Zańǵa ózgerister men tolyqtyrýlar engizý jónindegi zań jobasynda kórinis tabatynyn atap ótkim keledi. Ony Parlamentke bıylǵy jyldyń 3-toqsanynda engizýdi josparlap otyrmyz», - dedi vedomstvo basshysy.