Verona qalasynyń meri qańǵybastarǵa tamaq bergenderge 500 eýro aıyppul salmaq
ASTANA. QazAqparat - Italııadaǵy Verona qalasynyń meri Flavıo Tosı kóshedegi qańǵybastarǵa tamaq beretinderge aıyppul salýǵa bel býdy.
Qańǵybastyqpen kúresti myqtap qolǵa alǵan qala basshysy turǵyndarǵa ǵana emes, týrısterge de 500 eýro kóleminde aıyppul salýdy qarastyryp otyr, dep jazady Corriere della Sera basylymy.
Merdiń sózine qaraǵanda, úısiz-kúısiz jandar qalalyq saıabaqty turǵylyqty mekeni etip alǵan. Qazirgi ýaqytta Veronada 260 myń adam turyp jatsa, onyń bir myńy - qańǵybastar.
Gazettiń jazýynsha, merdiń bul ıdeıasyn qala turǵyndarynyń bir bóligi qoldap otyr.
Al keıbir jergilikti keńes depýtattary muny qala basshysynyń saılaý aldyndaǵy áreketine balaıdy.
