Verıfıkatsııanyń jańa erejesi: Elimizde 12 mln qurylǵy zańdastyryldy

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń tóraǵasy Damır Seısembekov Qazaqstanda mobıldi qurylǵylardy tirkeýdiń jańa erejesi aıasynda qansha smartfon verıfıkatsııadan ótkenin aıtty.

Onyń aıtýynsha, verıfıkatsııa bastalǵaly beri 12 mıllıon qurylǵy zańdastyrylǵan.

— Barlyǵyna «oıyn erejeleri» túsinikti bolý úshin arnaıy ýaqyt berildi. Biz bárin jańadan bastaımyz, elge ákelingen barlyq smartfondar zańdastyrylýy kerek. Osyǵan deıin 12 mıllıon qurylǵy tirkeldi. Olar qoımalardaǵy, dúkenderdegi barlyq telefondar", – dedi ol.

Komıtet tóraǵasynyń aıtýynsha, Wi-Fi roýterler, arzan smart-saǵattar men M2M qurylǵylary sııaqty tehnıka túrleri tegin verıfıkatsııadan ótedi.

- Bul – aqparattyq júıe, baǵdarlamalyq qamtamasyz etý. Sertıfıkattar men akkredıtatsııalar alý úshin málimetter bazasyna turaqty qoljetimdilik bolýy kerek. Olar belgili bir qurylǵylarda, serverlerde ornalasýy qajet. Buǵan qosa, kompanııa salyq tóleıdi. Biz munyń belgili bir shyǵyndardy talap etetinin túsinemiz, – dedi ol.

Jyl basynda elimizde smartfondardy tirkeý erejesi ózgeretini habarlandy. 

Keıin QR Tsıfrlyq damý, ınnovatsııalar jáne aeroǵarysh ónerkásibi mınıstrligi smartfondardy tirkeýdiń jańa erejesi ne úshin qajet bolǵanyn túsindirdi. 

Odan soń qazaqstandyqtarǵa smartfondy resmı tirkeýge eki aı ýaqyt berildi.