09:08, 25 Shilde 2022 | GMT +6
Ventıan zerthanalyq modýli Qytaıdyń ǵarysh stantsııasymen túıisti
BEIJІŃ.QazAqparat - Jeksenbi kúni iske qosylǵan «Ventıan» birinshi zerthanalyq modýli Qytaıdyń orbıtalyq stantsııasynyń Tıanhe bazalyq modýlimen sátti túıisti. Bul týraly QHR basqarylatyn ǵaryshtyq ushýlar baǵdarlamasy basqarmasy habarlady, dep habarlaıdy QazAqparat tilshisi.
Búkil protsess shamamen 13 saǵatqa sozyldy. Qytaıdyń basqarylatyn ǵaryshtyq ushý baǵdarlamasy basqarmasynyń málimetinshe, bul - Qytaıdyń 20 tonnalyq eki ǵarysh modýliniń orbıtada alǵash ret túıisýi.
2022 jyldyń qazan aıynda ǵaryshqa taǵy bir zerthanalyq «Mentıan» modýli ushyrylady. Qytaıdyń Tıangýn ǵarysh stantsııasynyń qurylysyn aıaqtap, ony paıdalanýǵa berý osy jyldyń sońyna deıin josparlanyp otyr.
