Vengrııanyń jańa prezıdenti eýrodepýtat boldy
ASTANA. 3 mamyr. QazAqparat - Vengrııanyń jańa prezıdenti bolyp «Fıdes» basqarýshy partııasynyń negizin qalaýshylardyń biri, eýroparlament múshesi ıAnosh Ader saılandy, dep habarlady RBK.
Bul sheshim búgin vengrııalyq parlamentpen rastaldy, dep habarlady MTV memlekettik arnasynan.
ıA.Aderdiń kandıdatýrasyn Vengrııanyń qazirgi premer-mınıstri Vıktor Orban usynǵan bolatyn.
Kútilgendeı, ıA.Ader parlamenttik kópshilik daýyspen saılandy - ony depýtattardyń úshten ekisi qoldady. Birmezgilde birqatar oppozıtsııalyq partııa daýys berýden bas tartty.
Jańa prezıdent qorytyndylar rastalǵannan keıin kóp uzamaı ant qabyldady. Ol resmı túrde memleket basshysy qyzmetine 10 mamyrdan bastap kirisedi.
Esterińizge sala keteıik, eldiń burynǵy prezıdenti Pal Shmıd 1992 jyly ǵylymı dıssertatsııasyn jazý kezinde shyǵarmashylyq urlyq jasaǵany anyqtalyp, oǵan qyzmetinen ketýge týra keldi. Saıasatkerdiń aıtýynsha, «jeke másele» vengrııalyq qoǵamnyń jikke bólinýine ákelip soqtyrdy, al bul respýblıka prezıdentiniń bedelimen úılespeıdi.
ıA.Aderdiń ókildik merzimi 2017 jyly aıaqtalady.
