Vengrııadan Avstrııaǵa aparatyn jolda 24 shaqyrymǵa sozylǵan kólik keptelisi oryn aldy
ASTANA. QazAqparat - Vengrııadan Avstrııa astanasy Venaǵa aparatyn jolda eki eldiń shekarasyndaǵy kólikti tekserý kúsheıtilgennen keıin uzyndyǵy 20 shaqyrymǵa sozylǵan kólik keptelisi oryn aldy, dep habarlady Reıter agenttigi.
Qozǵalystyń qıyndaýy negizgi avtomagıstralda ǵana emes, sonymen qatar ózge joldarda da oryn alýda, dep habarlady memlekettik jol uıymynyń ókili Madıar Kozýt (Magyar Kozut).
Avstrııa bıligi Vengrııadan keletin kólikterdi tekserýdi kúsheıtti. Buǵan vengrııalyq nómirli júk kóliginde ondaǵan bosqynnyń tunshyǵyp qaza tabýy sebep boldy. Sońǵy málimetterge qaraǵanda, 70-ten astam adam ajal qushqan.
