Vengrııadaǵy Ortalyq Eýropa ýnıversıteti jańa zańnyń kúshine enýine qarsy
ASTANA. QazAqparat - Mıgranttarǵa qatysty erejelerdi qatańdatyp, kópshiliktiń narazylyǵyn týdyrǵan Vengrııada endi bilim berý týraly zańnyń jańa nusqasy daý-damaı týdyrdy, dep jazady «Habar 24».
Parlament maquldaǵan qujat sheteldik ýnıversıtetterdiń qyzmetin kúrdelendirýdi kózdeıdi. Alaıda halyqtyń kóbi oǵan qarsy.
Ortalyq Eýropa ýnıversıteti de jańa zańnyń kúshine enýine qarsy. Bul oqý orny 1991 jyly amerıkalyq mıllıarder Djordj Sorostyń qarjysyna ashylǵan bolatyn. AQSh-ta tirkelgen. Alaıda bul jerde bilim berý mekemesi jumys istemeıdi. Al Vengrııa zańyna engiziletin túzetýlerge saı, endi sheteldik ýnıversıtterdiń tirkelgen elinde de oqý alańy bolýy mindet.
«Ortalyq Eýropa ýnıversıteti Vengrııa aýmaǵynda zańǵa sáıkes jumys istep otyr. Ony dáleldeý op-ońaı. Al zańnyń jańa nusqasyna keletin bolsaq, menińshe, ol asyǵys qabyldanǵan. Qujatta ne Vengrııa turǵyndarynyń, ne joǵary oqý oryndarynyń basshylyǵy men qyzmetkerleriniń, ne halyqaralyq uıymdardyń pikiri eskerilmegen», - deıdi Ortalyq Eýropa ýnıversıtetiniń prorektory Lıvıý Mateı.
Oqýdy ysyryp qoıyp, ereýilge shyqqan stýdentterdiń de pikiri osyǵan saıady. El astanasy Býdapesht kóshelerine myńdaǵan adam jıylǵan. Olar Vengrııa prezıdentinen parlamenttiń maquldaǵan qujatyn keri qaıtaryp, qol qoımaýyn surap otyr.
