Vengrııadaǵy qurǵaqshylyq eldi sýmen qamtamasyz etý júıesine áser etýi múmkin
Dýnaı ózeniniń deńgeıi keıingi úsh aptada 150 santımetrge tómendedi. Vengrııanyń basqa da iri ózenderi – Tısa men Ipelde de jaǵdaı osyǵan uqsas. Sý kólemi rekordtyq deńgeıge deıin tómendep, al kóptegen kishigirim kólder tartylyp qalǵan.
Vengrııadaǵy aýyzsý mólsheri Dýnaımen qatar eldiń ekinshi negizgi ózeni sanalatyn Tısadaǵy sý deńgeıine baılanysty. Keıbir aımaqtyq sýmen jabdyqtaý kompanııalary qazirdiń ózinde bılikke sý tapshylyǵy men sý qysymy tómendeıtinin eskertip jatyr.
Eldiń sý sharýashylyǵy bas basqarmasynyń málimetinshe, jaýyn-shashyn mólsheri eki ese azaıǵan. Bıylǵy qurǵaqshylyq ásirese, Pýshta aımaǵyndaǵy sharýalarǵa qatty áser etedi. Munda astyq óndirý gektaryna 2-4 tonna bolady degen boljam bar, al ótken jyly 4,5-5 tonna astyq ónimi jınalǵan.