Vengrııadaǵy halyqaralyq týrnırde bes qazaqstandyq boksshy jartylaı fınalǵa shyqty

ASTANA. QazAqparat - Vengrııanyń Debretsen qalasynda ótip jatqan bokstan Ishtvan Boskaı atyndaǵy halyqaralyq týrnırde jartylaı fınalǵa joldama alǵan boksshylar belgili boldy, dep habarlaıdy Olympic.kz.

Atap aıtar bolsaq, 52 kelidegi Sáken Bıbosynov taılandtyq qarsylasyn jeńip, týrnırdiń jartylaı fınalyna ótti.

56 kelidegi Orazbek Asylqulov taǵy bir taılandtyq sportshy Ammarıd ıAaddamnan basym tústi.

60 kelidegi Serik Temirjanov reseılik Shahrıer Ahmedovten myqtylyǵyn dáleldep, dástúrli týrnırdiń jartylaı fınalyna jetti.

64 kelidegi Sabyrjan Bekbergenov pen moldovalyq Dmıtrıı Galagot arasyndaǵy jekpe-jek te bizdiń sportshynyń jeńisimen aıaqtaldy.

75 kelidegi Tursynbaı Qulahmet reseılik Vadım Týkovty jeńdi.

Eske sala keteıik, Vengrııadaǵy týrnırde Qazaqstan sapynan ázirge bir boksshy jeńildi. Ol asa aýyr salmaqtaǵy Nurlan Saparbaı.