Vengrııadaǵy reıtıngtik týrnır: Edige Qasymbek fınalǵa shyqty
ASTANA. KAZINFORM — Vengrııa astanasy Býdapeshtte kúres túrlerinen reıtıngtik týrnır jalǵasyp jatyr.
Jarystyń ekinshi kúninde Qazaqstan quramasynyń tórt ókili fınaldyq kezeńge joldama aldy.
Erkin kúresten 125 kelige deıingi salmaqta Edige Qasymbek fınalǵa shyqty. Ol altyn medal úshin Polsha balýany Kamıl Tomash Koscholekpen beldesedi.
Búgin, 16 shildede, Shamsat Taır, Nurdáýlet Qýanyshbaı (79 kelige deıin) jáne Zeınep Baıanova (50 kelige deıin) qola medal úshin kúresedi.
97 kelige deıingi salmaqta Rızabek Aıtmuhan jartylaı fınalǵa deıin jetkenimen, jaraqatyna baılanysty beldesýge shyqqan joq. Sondaı-aq ol qola medal úshin ótetin beldesýge de qatyspaıdy.
Eske salaıyq, buǵan deıin Qazaqstan balýandary Vengrııadaǵy reıtıngtik týrnırde alty medal jeńip alǵanyn habarlaǵan edik.
