Vengrııada júktilik kezinde «qaıtys bolǵan» áıel bala týdy
ASTANA. 15 qarasha. QazAqparat - Vengrııada júktilik kezeńiniń 15-shi aptasynda mıy «ólip qalǵan» ananyń balasy dúnıege keldi. Dárigerler áıel adamdy tirshilikti qamtamasyz etý júıesinen ajyratpaı, balanyń dúnıege kelýin qamtamasyz etýdi sheshken.
«Bizdiń maqsatymyz tek qana balanyń týylýyna múmkindik berý emes, sonymen qatar onyń dúnıe esigin deni saý bolyp ashýyna jaǵdaı jasaý boldy», - dep keltiredi doktor Stsılla Molnardyń sózin The Daily Mail. Bala azdap shala týǵan, sebebi ol júktilik kezeńiniń 27-shi aptasynda dúnıege kelgen. Alaıda, onyń salmaǵy 1,42 keli bolǵanyna qaramastan, dárigerler ul balanyń deni saý jáne onyń ómirine tónip turǵan eshqandaı qaýip joq ekenin aıtýda.
Atap óteıik, qaıtys bolǵan áıeldiń júregi, baýyry, búıregi jáne uıqy bezi basqa adamdarǵa transplantatsııalanyp, ol keminde tórt adamnyń ómirin qutqaryp qaldy. Bosanǵannan keıin eki kún ótken soń balanyń anasy tirshilikti qamtamasyz etý júıesinen ajyratyldy. Vengrııa aýrýhanalary úshin bul qalypty tájirıbe, dep jazady The Daily Mail, sebebi osy ýaqytta dárigerler múshelerdi transplantatsııalaý úshin barlyq qajetti otalardy ótkizip úlgeredi.
