Vengrııada sınhrondy júzýden Qazaqstan jasóspirimder quramasy top jardy
ASTANA. QazAqparat - Vengrııa astanasy Býdapeshtte sınhrondy júzýden ótken halyqaralyq týrnırde Qazaqstan jasóspirimder quramasy top jardy, dep habarlaıdy QazAqparat tilshisi.
QR Ulttyq olımpıadalyq komıtetiniń baspasóz qyzmeti habarlaýynsha, jarysqa Slovenııa, Chehııa, Polsha, Vengrııa men Qazaqstannan 300-ge jýyq sportshy qatysty.
Týrnır qorytyndysy boıynsha, 13-15 jas aralyǵynda jasóspirimder arasynda qazaqstandyqtar birinshi oryndy jeńip aldy.
Atap aıtar bolsaq, jekeleı synda Arına Mıasnıkova birinshi, Eterı Kakýtıa ekinshi satydan kórindi.
Arına Mıasnıkova men Nargıza Bolatova juptyq synda top jardy.
Sondaı-aq, toptyq jattyǵýda da bizdiń qurama bıikten kórindi. A. Mıasnıkova, N. Bolatova, E. Kakýtıa, K. Shamatýlskaıa, K. Makarova, E. Lepıhova, D. Valıýlına, E. Pashkovskvıa, V. Mıhalchenko, ıA. Shevchenko, ıÝ. Rogaleva, A. Pavletsova toptasyp jattyǵýdan eshkimgi tizgindi bergen joq.
